بـوقـت  مــن الـبطا وبليل تـتراقص شـياطينه بـعد  شـفت الـضيا يـنزع مـن ثياب المسا ثلثين
تـحـايلت  الـمـنام الـلي مـثل بـيتج تـمرينه وانـا الـلي مـن تـفارقنا وأنـا ماغمضت لي عين
غـريـبة!! كل حـلـم يـمـر في رقادي تـزورينه..والاغـرب..كيف أحـلم الحلم،وارجع واحلمه بعدين؟
قـبـل يـومين شفتج بـالمنام..وقمت مـن حـينه!ونـمت أمـس ورجع نـفس الـمنام اللي قبل يومين
أنـا الـلي قـبل اسـافر (شـلت قـلبي من شرايينه) تـركـته فــي ايــدج مثل الأمـانه واحفظيها زيـن 
تــرى حفــظ الأمانــه دين مجبــوره تردينــه أجل مــافي أحــد جــد قالــج حفــظ الأمانــه دين؟؟
مــرد  الـمـقفي بـيـلفي..ويستوفي ،وتـوفـينه بـعـد لـيـلـه،ثـلاثـه،أربعه،عشره،شهر،شهرين
إذا  انـتـي مـا انتي بـقد الـكلام الـلي تـقولينه حـرام...استامنج حـاجة وإذا جـيت اطلبج تنسين
تـخونين وتبين أرضـى!..واحد يـرضى تخونينه! (أنـا لاجـيت أخـونج مع حبيبه ثانيه ترضيــــن)!!!
مـن  أول مـارجعت مـن الـسفر ماشفت لج بينه وأنا اللي كنت أحسبج قبل ادوس ارض المطار تجين
تـكونين أنـتي أول شـخص عـيني تحتضن عينه وكـنت أتـخيلج مـن زود فـرحة رجـعتي..تبكين
وأشـوف بـدمعتج حـكيج..وأعرفه قـبل تـحكينه واجـيب أحـلى مـن الـلي بتحكينه وأتركج تحكين
تـقـولـيـن:الوطن نـور..وأقـول:بـنور مضوينه..تـقولي لـي:غديت أحـلى ..وأقول:عيونج الـحلوين
كـــلام نــام بـشـــفاهج..وخفتي لاتـصـحينه..ذخـرتـيه لـغـــــرام لـلي يـنام...ويتركج تـصحين
تـغـانمتي  غـيـابي..لين رجـحـتي مـوازيـنه تـعلم  مـن يـدج لـمس الـكفوف وعـلمج تجفين
ولـيـتج  لاقـيـه بــه شـي...فيني مـاتلاقينه!..مـهو بـغرور..لكن خـابرج مـالج أمـل تـلقين
تـغـافلج بـغلا..والإ الـحلا مـهو بـمن زيـنه!! تزينه  الصور ..بس الصحيح ابن الحلال زويــــن!!
وأنــا  مـاني بـنقاص عـنه يـوم انـــج تـبدينه نـصيبي..هو  نـصيبي لـو يـسددها من الصوبين
قـنـوع  بـمـظهري،والسم مـايـذبح ثـعـابينه عـلى  قـول الـمثل.. (ماني حلو..لكني ماني بشين(!
إذا  أهــداج الـزهر مـره،فأنا اهـديتج بـساتينه..وإذا ألـهاج بـفرح لـيله، فـانا تـهت لبكاج سنين
وإذا  اسـتـضعفتج أمـلاكـه...وشتتج مـلايـينه  أنـا حـتى فـتات الـخبزة أقـسمها مـعج نصيـــن
طـموحي ،بـس أجـي وأظـفر بـشي تـستحقينه .. تـديـنـتـه،تـسلفته،سرقته،مومهم مــنــيـن؟
كـأني مـن كـثر مـاارضى بـكل الـلي تـمنينه لـو انـج تـطلبين الله ..يـعنيني، بـقول آمـين
أنـا  مـاالعب عـلى الـحبلين،وقت الطيش وسنينه تـبين الـحين يـوم أني كبرت العب على الحبلين؟!
تـرى عـند( الـبدو بـالذات) عيب اللي تسوينه حـلاتـج  لاعـشـقتيني..تعشقيني لـيـوم الـديـن
غـرامٍ  نـسكن ضـلوعه...حشيمه مـن مـجانينه جـفـا يجمع  مـعـزتنا...ولاعشق يــذل أثـنين
كـثـار  الـلـي تـحـدوني وقـالـولي:تـحبينه ..امـانـه..لاتخليني صـغـير بـعينهم  تكفيـــــن
لانـــي كــل مـاقـالوا تخون..اقول:مسكينه..عـلـيج الله وأمـانـه..علميهم مـنـهــو  المسكين
أنــا  خـايف ليا طاح الـجمل تـكثر سـكاكينه وأنـا  مـاعاد بـضلوعي مـكان لـطعنة الـسكين
مـثل مـاقالوا: (المكتوب واضـح مـن عـناوينه!!)..لـو  ارحـل مـنج للغربه..بسافر من ظلامج وين؟!
كـفـايه..كل حـلـم يـمـر بـرقـادي تـزورينه..كـفاية...من  تـفارقنا..وأنا مـاغمضت لـي عـين
قـبل يـومين شـفتج بـالمنام وقـمت من حـينه ونـمت أمـس،ورجع نـفس الـمنام اللي قبل يومين

وسواااالم..